Chama cha Soka nchini England ‘FA’ kimepanga Ratiba ya Michezo ya Nusu Fainali ya Kombe la Ligi (Carabao CUP), baada ya kukamilika kwa Michezo ya hatua ya Robo Fainali jana Jumatano (Desemba 22).
Arsenal iliyofanikiwa kutinga hatua hiyo kwa kuichapa Sunderland FC mabao 5-1, imepangwa kukutana na Liverpool iliyoiondosha Leicester City kwa changamoto ya mikwaju ya Penati 5-4, baada ya kutoka sare ya 3-3 ndani ya dakika 90.
Chelsea ambayo jana Jumatano (Desemba 22) iliibanjua Brentford mabao 2-1, imepangwa kukutana na Tottenham Hotspurs iliyoifunga West Ham United kwa mabao 2-1.
Michezo ya Nusu Fainali ya Michuano hiyo itachezwa Januari 11 mwaka 2022, ambapo Arsenal itakua nyumbani Emirates Stadium huku Chelsea ikitarajiwa kusafiri hadi Tottenham Hotspur Stadium kucheza dhidi ya Spurs.
