Mkurugenzi mkuu wa Shirika la Fedha la Kimataifa IMF, Kristalina Georgieva amesema mabadiliko ya hali ya hewa yanaweza kuunda “fursa bora” kwa sekta binafsi barani Afrika, akiongeza kwamba kuwekeza katika uchumi wa chini wa kaboni kunaweza kuunda nafasi za kazi.
Georgieva amesema hali ya ukame inazua hofu na kuongeza hatari ya njaa, ikiwemo kusababisha ukosefu wa usalama ulimwenguni, huku Marais, maelfu ya wanadiplomasia, wapatanishi wa hali ya hewa, viongozi wa biashara, wanaharakati, na waandishi wa habari nao wakitoa hoja zao katika mkutano huo unaofanyika kwenye mji wa mapumziko wa Bahari Nyekundu wa Sharm El-Sheikh unaotarajia kukamilika Novemba 18, 2022.
Maoni ya Georgieva yalikuja baada ya kuhudhuria hafla inayolenga kuongeza kasi ya kukabiliana na hali hiyo barani Afrika, ambayo ilihudhuriwa na watu mashuhuri wa Afrika akiwemo Mkurugenzi Mtendaji wa Global Center on Adaptation, Patrick Verkooijen, ambaye amesema kuna pengo la ufadhili wa kukabiliana na hali hiyo la dola bilioni 40 kwa Afrika.
Viongozi wa dunia, wanawasilisha kesi ya kuchukua hatua kali zaidi kukabiliana na ongezeko la joto duniani, huku mazungumzo ya kimataifa ya hali ya hewa ya mwaka huu nchini Misri yakisikia wito unaoongezeka wa makampuni ya mafuta kusaidia kulipa uharibifu ambao wamesaidia kusababisha sayari.
