Mabingwa wa Flambeau du Centre ya Burundi watautumia Uwanja wa Azam Complex Chamazi kama Uwanja wao wa nyumbani mwishoni mwa juma hili, katika mchezo wa Ligi ya Mabingwa Barani Afrika.
Flambeau du Centre itacheza Chamazi dhidi ya Mabingwa mara 20 wa Ligi Kuu ya Misri ‘Zamalek FC’ baada ya kusitisha mpango wa kucheza nchini Misri mchezo wake wa nyumbani na ugenini.
Mchezo huo unatarajiwa kupigwa Jumamosi (Oktoba 08) huku wenyeji wa mchezo huo Flambeau du Centre wakitarijiwa kutua Dar es salaam wakati wowote kuanzia kesho.
Hata hivyo mabingwa hao wa Burundi hautakuwa mchezo wao wa kwanza kwenye Uwanja wa Azam Complex kwani mechi yao dhidi ya Al Attihad ya Libya walicheza kwenye uwanja huo ambapo waliibuka na ushindi wa bao 1-0.
