Serikali katika nchi ya Jamhuri ya Kidemokrasia ya Kongo (DRC), inachunguza mtu anayeshukiwa kufariki kutokana na ugonjwa Ebola katika jimbo la Kivu Kaskazini.
Taarifa iliyotolewa na Shirika la Umoja wa Mataifa la Afya ulimwenguni (WHO), Kanda ya Afrika Kongo Brazzaville imesema mamlaka za afya katika Jamhuri ya Kidemokrasia ya Kongo zinachunguza tetesi hizo katika jimbo lililopo mashariki mwa nchi hiyo, Kivu Kaskazini.
Tayari Taasisi ya Kitaifa ya Utafiti wa Matibabu ya Thecountry (INRB), iko katika harakati za kupima sampuli ili kubaini ikiwa mgonjwa huyo aliambukizwa Ebola.
Mgonjwa huyo, anayeshukiwa ni mwanamke mwenye umri wa miaka 46, aliyefariki Agosti 15, 2022 katika mji wa Beni uliopo Kivu Kaskazini ambapo alipata huduma katika Hospitali ya Rufaa ya Beni, awali kwa ajili ya magonjwa mengine, lakini baadaye, ilionyesha dalili zinazoambatana na ugonjwa wa virusi vya Ebola.
Mkurugenzi wa WHO Kanda ya Afrika, Dkt. Matshidiso Moeti amesema, “Wakati uchambuzi ukiendelea, WHO iko tayari kusaidia maafisa wa afya kuchunguza kisa hicho na kujiandaa kwa uwezekano wa kuzuka kwa Ebola.”
WHO, pia itahakikisha hatua zinazofaa za kuzuia na kudhibiti maambukizi zimewekwa, ikiwemo matibabu yanayoweza kupatikana kwa wale wanaohitaji na kuongeza ufahamu kuhusu Ebola miongoni mwa jamii za wenyeji.
