Waziri Mkuu wa Jamhuri ya Muungano wa Tanzania, Kassim Majaliwa amefanya ukaguzi wa matengenezo ya makazi ya muda yatakayotumiwa na makamu wa Rais, Samia Suluhu Hassan atakapohamia Dodoma.
Akitoa taarifa ya ujenzi huo, Waziri wa Sera, Uratibu, Bunge, Kazi, Ajira, Wenye Ulemavu na Vijana, Jenista Mhagama amesema kuwa kikosi kazi kimebaini mahali alipokuwa akiishi zamani si sahihi kwa makazi ya kudumu.
“Pale palikuwa panafaa kwaajili ya ziara ya kikazi alipokuwa akija Dodoma, kwa hiyo tumeamua kufanya ukarabati hapa Kilimani ili aweze kuishi kwa viwango vinavyostahili,”amesema Mhagama
Amesema kuwa kazi ya ukarabati wa matengenezo hayo itagharimu kiasi cha shilingi bilioni 1.5, wakati kazi ya kutenganisha watumishi na wasaidizi wa makamu wa Rais itagharimu kiasi cha Sh. 680 milioni.
-
Kikwete afanya uteuzi
-
Mpina amwamuru mwekezaji kuondoka
-
Rufaa za Mikopo ya chuo zapitishwa, 2679 wajipatia mkopo
Naye Kaimu Meneja wa Wakala wa Majengo (TBA) mkoa wa Dodoma, Steven Simba anayesimamia ujenzi huo amesema kuwa wanatarajia kumaliza ukarabati huo kabla ya Desemba 30 mwaka huu.
