Waziri Mkuu wa Jamhuriya Muungano wa Tanzania, Kassim Majaliwa amesema kuwa Wilaya ya Ruangwa inahitaji kuwa na shule ya sekondari ya wasichana ambayo ni ya bweni ili kupunguza tatizo la wasichana kukosa elimu.
Ameyasema hayo wakati akizungumza na wakazi wa kijiji cha Ng’au, Kata ya Mnacho Wilayani Ruangwa mkoani Lindi ambako alienda kukagua ujenzi wa shule mpya ya msingi ambayo ujenzi wake ulianza wiki mbili zilizopita.
“Mpango wetu ni kujenga shule ya msingi mpya hapa kijijini Ng’au ili watoto wanaotoka ng’ambo hii wasome hapa hapa. Wakati wa masika nyote mnajua taabu wanayopata watoto wetu kukatisha kwenda ng’ambo ile,”amesema Majaliwa.
Amesema ng’ambo ya pili kuna shule ya msingi Mnacho ambayo ina madarasa 11 na wanafunzi waliopo ni karibu 500, na ndoto yake ilikuwa ni kuona ile shule inabadilika na kuwa ya sekondari.
-
Mwalimu Mkuu amcharaza viboko mwalimu mwenzie
-
JPM kufanya ziara nchini Uganda
-
Wataalam wa Maendeleo ya Jamii watakiwa kuongeza bidii
Hata hivyo, ameongeza kuwa shule hiyo itaitwa Lucas Malia kwa heshima ya mwalimu mkuu wa zamani wa shule hiyo ambaye alisomesha watu wengi katika wilaya hiyo na wengine sasa hivi ni viongozi Serikalini na jeshini. Mwalimu Malia hivi sasa ni marehemu.
