Malinzi akubali yaishe, aachia ngazi TFF

Rais wa Shirikisho la Soka Tanzania (TFF) anayemaliza muda wake, Jamal Malinzi amekubali kuachia ngazi katika nafasi ya kiti hicho.

Hatua hiyo imekuja mara baada ya kiongozi huyo kuwekwa rumande hadi Julai 3, mwaka huu baada ya kusomewa mashtaka yake mahakamani hapo jana, jambo ambalo litamfanya akose nafasi ya kuhudhuria katika zoezi la usaili wa wagombea ambalo litafungwa kesho Julai Mosi.

• Wanne Kutoka Tanzania Bara Na Zanzibar Kusajiliwa Mwadui FC

Malinzi amezungumza kupitia wakili wake, Aloyce Komba kwamba anawashukuru watanzania kwa ushirikiano waliompa katika kipindi chote akiwa Rais, na kuwataka waelewe kuwa Soka la Tanzania bila Malinzi linawezakana.

• Haji Manara atoa neno lenye salamu za pole kwa Rais TFF

Aidha, Rais huyo anayekabiliwa na mashtaka takriban 28 yakiwemo ya utakatishaji wa fedha na kughushi nyaraka, amewataka wajumbe kuchagua mtu mwingine kwani anaamini kuwa kuna watanzania wengi wenye uwezo wa kuliongoza soka la Tanzania.

• Malinzi, Mwesigwa wakamatwa, watuhumiwa kutumia vibaya ofisi 

  Hata ivyo Kauli hiyo inaashiria kukubali kuachia nafasi hiyo ya urais, ikizingatiwa pia mwenyekiti wa Kamati ya Uchaguzi, Revocatus Kuuli alikwishaweka msimamo kuwa mchakato wa uchaguzi hautasimama, na kwamba yeyote ambaye hatatokea kwenye usaili atakuwa amejiengua mwenyewe