Malkia Elizabeth II, amefariki Dunia akiwa na umri wa miaka 96, baada ya kutawala kwa miaka 70 nchini Uingereza, ikiwa ni siku chache tangu familia yake ilipokusanyika kufuatia kuongezeka kwa wasiwasi juu ya afya yake.
Malkia huyo, alishika kiti cha ufalme mwaka 1952 akishuhudia mabadiliko makubwa ya kijamii ambapo sasa mtoto wake, Charles ambaye ni Prince wa zamani wa Wales, ataongoza nchi kwa maombolezo kama Mfalme mpya na mkuu wa nchi kwa milki 14 za Jumuiya ya Madola.
Malkia Elizabeth II akiwa kiongozi mkuu wa nchi katika muda wake ulihusisha ukali wa baada ya vita, mabadiliko kutoka kwa himaya hadi Jumuiya ya Madola, mwisho wa Vita Baridi na kuingia kwa Uingereza na kujiondoa kutoka Umoja wa Ulaya.
Katika utawala wake, ambao ulihusisha mawaziri wakuu 15, akiwemo Winston Churchill, aliyezaliwa mwaka 1874, na Liz Truss, aliyezaliwa miaka 101 na baadaye mwaka wa 1975 kuteuliwa na Malkia ambaye alifanya kikao cha kila wiki na Waziri wake Mkuu katika kipindi chote cha utawala wake.
Katika Jumba la Buckingham huko London, umati wa watu waliokuwa wakisubiri taarifa kuhusu hali ya Malkia walianza kulia waliposikia kifo chake na Bendera ya Muungano juu ya Kasri ilishushwa nusu mlingoti.
Malkia huyo, Elizabeth Alexandra Mary Windsor alizaliwa April 21, 1926 Mayfair, London, ambapo familia yake imesema, “Tunaomboleza kifo cha Malkia mpendwa na Mama anayependwa sana ni jambo litakalosikika sana kote nchini, Milki na Jumuiya ya Madola, na kwa watu wengi duniani kote.”
