Mwenyekiti wa Chadema, Freeman Mbowe na Mjumbe wa kamati kuu Chadema, Edward Lowassa, Januari 27, 2018 watahudhuria uzinduzi wa kampeni ya marudio ya Ubunge jimbo la Kinondoni kumtambulisha Mgombea Ubunge tiketi ya Chadema, Salum Mwalimu.
Uzinduzi huo unatarajiwa kufanyika katika viwanja vya Mapilau kuanzia saa nane mchana mpaka saa kumi na mbili jioni.
Ambapo majimbo yanayogombaniwa ni Siha na Kinondoni kutokana na wabunge wa majimbo hayo kujiuzulu nafasi zao za Ubunge wakiwa katika vyama vya upinzani na kuingia Chama Cha Mapinduzi (CCM) na sasa wanagombea nafasi hizo wakiwa chini ya CCM.
