Rais wa Uganda, Yoweri Museveni, ameunga mkono muswada wenye utata na baadhi ya sheria kali zaidi duniani dhidi ya LGBTQ lakini ataupitisha tena bungeni ili kujumuisha vipengele vya mashoga kurekebishwa.
Hata hivyo, katika mkutano wa National Resistance Movement (NRM), Museveni aliwasifu wabunge kwa kuidhinisha mswada huo na kusisitiza kamwe hatakubali kulaaniwa na kimataifa.
“Nataka kuwapongeza wabunge waheshimiwa kwa msimamo wenu kuhusu “Ebitingwa,” (neno la Runyankore kwa wanaume mashoga),” alisema.
“Hongera sana, nakupongeza kwa msimamo huo mkali, ni vyema ukakataa shinikizo la mabeberu.”
Mswada huo, ambao unaeleza hukumu ya kifo katika baadhi ya kesi, ulipitishwa mwezi uliopita na tayari umezua wimbi la kukamatwa na mashambulizi dhidi ya Waganda wa LGBTQ.
Lakini Museveni alikataa ukosoaji kutoka kwa mashirika ya kutetea haki za binadamu, alisema kuwa “Ulaya imepotea. Kwa hiyo nao wanataka tupotee, lakini ili tupigane ni lazima tuwe wazalendo”.
“Kama sisi ni vimelea akilini, akili ya vimelea, hakuna jinsi unaweza kupigana, ndivyo unavyokuwa mzinzi kwa sababu uliogopa sadaka, unaogopa magumu. Mtu anasema nitakupa pesa ukiwa mzinzi. ndivyo wanavyotaka tuwe”.
“Wanataka Afrika kuwa makahaba. Fanya tusichoamini kwa sababu tunataka pesa.”
Wale wanaotetea au kuendeleza haki za watu wa LGBTQ wanaweza kufungwa jela hadi miaka 20 na kuhukumiwa kifo kwa kosa la ushoga uliokithiri.
Marekani imeonya kuhusu madhara ya kiuchumi iwapo sheria hiyo itapitishwa. Kundi la wataalam wa Umoja wa Mataifa wameelezea mswada huo, ikiwa utapitishwa, kama ukiukwaji mkubwa wa haki za binadamu.
