Rais wa Zanzibar na Mwenyekiti wa Baraza la Mapinduzi ambaye pia ni Makamu Mwenyekiti wa Chama Cha Mapinduzi (CCM) Zanzibar, Dkt. Hussein Ali Mwinyi amekutana na Viongozi wa Chama cha ACT- Wazalendo.
Viongozi hao, ambao ni Mwenyekiti, Juma Haji Duni, Makamu Mwenyekiti ambaye ni pia ni Makamu wa Kwanza wa Rais, Othman Masoud na Zitto Kabwe wamekutana na Rais Dkt. Mwinyi hii leo Mei 18, 2023 Ikulu, Zanzibar.
Pamoja na mambo mengine yanayohusu ustawi wa Zanzibar kisiasa na kijamii, Viongozi hao pia wameafikiana kupanga tarehe ya kuzindua rasmi kamati maalum itakayoundwa na wajumbe kutoka vyama vya CCM na ACT-Wazalendo ambavyo ndivyo vilivyounda Serikali ya Umoja wa Kitaifa Zanzibar.
Kamati hiyo, itajadiliana na baadae kupanga mpango wa utekelezaji wa ripoti ya kikosi kazi kilichoundwa kufuatia Mkutano wa Baraza la Vyama vya Siasa uliojadili maeneo mahsusi yanayoihusu Zanzibar.
