Shirikisho la soka nchini Tanzania ‘TFF’ kimetangaza hadharani makundi ya Ligi ya Mabingwa wa Mikoa (RSL 2022) pamoja na tarehe ta kuanza kwa michuano hiyo.
TFF imetoa taarifa maalum kupitia kurasa zake za Mitandao ya Kijamii, ambapo rasmi michuano ya Ligi ya Mabingwa imepangwa kuanza Februari 25.
Michuano hiyo kwa mwaka huu 2022 itakua na makundi manne (A,B,C na D), ambayo yamepangwa katika mikoa Ruvuma, Shinyanga, Kigoma na Kilimanjaro.
Taarifa ya TFF imezitaka timu zote shiriki kuhakikisha zinafika kwenye vituo zilipopangiwa kabla ya Februari 23, ili kwenda sambamba na ratiba ya Michuano hiyo.
Bingwa wa kila Kundi atapanda daraja na kucheza Ligi daraja la Pili msimu wa 2022/23.
