Rais wa Shirikisho la Mpira wa Miguu Tanzania (TFF), Wallace Karia ametuma salamu za rambirambi kufuatia kifo cha aliyewahi kuwa Katibu Mtendaji wa kilichokuwa Chama cha Mpira wa Miguu Tanzania (FAT), Chabanga Hassan Dyamwale (76).
Amesema kuwa mbali ya kuwa mtendaji ambaye alifanya mabadiliko makubwa katika soka la Tanzania kutoka ligi ya kituo kimoja hadi ligi ya mikondo miwili (nyumbani na ugenini), amesema kuwa alifanya kazi hiyo akiwa kwenye hema.
“Nimeguswa sana na kifo cha Mzee Chabanga Hassan Dyamwale, natuma salamu zangu za rambirambi kwa familia, ndugu, jamaa, majirani na marafiki wa hayati Mzee Dyamwale ambaye nimetaarifiwa kuwa amefariki dunia Agosti 13 mwaka huu,” amesema Karia.
-
Maximo Amfanyia Kampeni Mwakalebela
-
Live Breaking News: Wallace Karia aukwaa urais wa TFF
-
Kilomoni Awajibu Waliomsimamisha Uanachama
Hata hivyo, ameongeza kuwa atamkumbuka zaidi hayati Dyamwale kwa uhodari wake wa kazi na msimamo kwenye jambo aliloliamini, na kuleta mafanikio makubwa katika soka la Tanzania.
