Klabu ya Wolves inadaiwa kuwa kweye mpango wa kuwasilisha ofa kwenda Arsenal ili kumsajili Mlinda Lango wa timu hiyo na England Aaron Ramsdale mwenye umri wa miaka 27, kwa mkopo katika dirisha lijalo.
Wolves imepanga kufanya hivyo baada ya kuona Ramsdale hapati nafasi kwenye kikosi cha kwanza cha Arsenal tangu kuanza kwa msimu huu ambapo kocha Mikel Arteta amekuwa akimtumia zaidi David Raya.
Mbali ya Wolves, kulikuwa na ripoti zilizodai kwamba Bayern Munich pia inafikiria kuwasilisha ofa na kumsajili staa huyu ili akachukue nafasi ya Manuel Neuer ambaye amekuwa akisumbuliwa na majeraha ya mara kwa mara na umri unamtupa mkono.
Ramsdale ambaye msimu uliopita alikuwa mmoja kati ya wachezaji tegemeo kwenye kikosi cha kwanza cha Arsenal, mkataba wake wa sasa unatarajiwa kumakizika mwaka 2026. Tangu kuanza kwa msimu huu amecheza mechi nane za michuano yote.
