Waliochaguliwa kidato cha kwanza washindwa kuripoti shule

Jumla ya Wanafunzi 76, waliochaguliwa kujiunga na kidato cha kwanza mwaka 2022 katika Shule tatu za Sekondari zilizopo Wilayani Urambo Mkoani Tabora, hawajaripoti kuanza masomo.

Ofisa Elimu Sekondari Wilaya ya Urambo, Philipo Balugahale ameyasema hayo mbele ya Mbunge Urambo Margaret Sitta, katika mkutano wa hadhara uliofanyika kata tatu za mji mdogo wa Urambo Mchikichini, Kiyungi na Urambo.

• Kamati kufuatilia utendaji wa majeshi kuundwa

• Serikali yapanga kutatua kero za Wastaafu

Amesema, Idara ya Elimu ilifanya jitihada za kuitisha mikutano mbalimbali ya Wazazi kuwataka wawapeleke watoto wao shule bila mafanikio.

Shule ambazo mpaka sasa Wanafunzi wake hawajaripoti ni Chetu Wanafunzi 19, Ukombozi Wanafunzi 45, na Shule ya Sekondari Urambo Day wanafunzi 12.

• Kemikali yenye sumu yatambuliwa katika miili ya Vijana 21
• Mahakamani kwa kuwaimbisha watoto ubaguzi