Aliyepanda juu ya nguzo za umeme ahojiwa na Polisi

Polisi Mkoani Mara, inamshikilia mtu mmoja ambaye jina lake halikupatikana mara moja kwa kosa la kupanda juu ya nguzo ya umeme, ambapoa kusudio lake bado halijajulikana.

Akithibitisha tukio hilo Mkuu wa Wilaya ya Butiama, Moses Kaegele amesema mtu huyo alipanda juu ya nguzo ya umeme iliyopo Kijiji cha Mwibagi, kando ya Barbara ya Musoma- Mwanza.

• Wajawazito 210 wapoteza maisha kanda ya Magharibi

• Anayedhibiti mbegu anaweza kukutawala: Bashe

Amesema, watumishi wa Shirika la Umeme Tanzania (TANESCO), Mkoani Mara walifika katika eneo hilo kisha kumshusha mtu huyo na kumkabidhi kwa polisi kwa ajili ya mahojiano zaidi.

Kwa upande wake Kamanda wa Jeshi la Uokoaji na Zimamoto Mkoa wa Mara, Agostino Magere amesema, “hadi sasa sina taarifa huyu mtu anaitwa nani, umri wake, makazi yake na lengo la kupanda kule juu hebu tusubiri polisi watabaini nini.”

• Tanzania, Kenya kufanya biashara ya Umeme