Kundi la mawakili wanaowakilisha vyama vya kiraia nchini Burkina Faso, katika kesi ya kiongozi wa zamani aliyeuawa Thomas Sankara wamedai kutekelezwa kwa hati ya kukamatwa kwa Kiongozi wa zamani wa nchi hiyo, Blaise Compaore.
Kundi la mawakili wanaowakilisha vyama vya kiraia nchini Burkina Faso, katika kesi ya kiongozi wa zamani aliyeuawa Thomas Sankara wamedai kutekelezwa kwa hati ya kukamatwa kiongozi wa zamani Blaise Compaore.
Mwanachama wa mkusanyiko wa mawakili wa Thomas Sankarama, Prosper Farama amesema jumuiya imekasirishwa na kile inachoelezea kama “kukaidi haki” na inatoa wito kwa mamlaka ya mahakama na kisiasa kuchukua majukumu yao.
“Wapanga njama za mapinduzi, wapatanishi bandia, wanajaribu tu kuua utawala wa sheria na demokrasia nchini Burkina wachukue wafungwa wengine, rafiki yangu Diendéré, anatumikia kifungo chake ni lazima isemwe kwa heshima,” amefafanua Farama.
Luteni Kanali wa Jeshi la Burkina Faso, Paul-Henri Sandaogo Damiba anasema mkutano wa marais wa zamani aliouandaa unalenga kuipa Burkina Faso amani na mshikamano badala ya kutoadhibiwa kutokana na mabishano yaliyozuka kufuatia mwaliko wa Rais wa zamani wa nchi hiyo Blaise Compaoré.
“Mchakato si kutoa hali ya kutokujali bali ni wakuchangia katika kutafuta suluhu ya Burkina Faso ya amani na mshikamano,” alisema Paul-Henri Sandaogo Damiba, rais wa Burkina Faso.
Taarifa zaidi zinasema, Compaore alijiunga na marais waliopita kama Michel Kafando, Yacouba Isaac Zida, Jean-Baptiste Ouedraogo na Roch Marc Christian Kabore, huku ikiwa haijulikani Compaore atakaa nchini humo kwa muda gani.
Mkutano wa kilele wa viongozi wa zamani, unakuja wakati Burkina Faso ikikabiliana na ghasia zinazoongezeka za jihadi zinazohusiana na kundi la wanamgambo wa al-Qaida na kundi la Islamic State ambazo zimeua maelfu ya watu na wengine karibu watu milioni 2 kuyakimbia makazi yao.
