Uongozi wa Chama cha wananchi (CUF), umemtaka Waziri wa Mambo ya Ndani Mwigulu Nchemba, na Naibu wake Hamad Yusuph Masauni, kujiuzulu kwa kile walichodai kuwa wameshindwa kulinda na kusimamia misingi ya Haki za Binadamu na Utawala Bora.
Hayo yamesemwa na Mkurugenzi wa Habari ,Uenezi na Mwasiliano kwa Umma Salim Bimani Abdallah, alipokuwa akiwazungumzia wanachama wanne waliopigwa na mmoja kuvunjika mguu maeneo ya Taveta Mjini Magharibi.
Uongozi wa Chama hicho umefikia hatua hiyo mara baada ya kukithiri kwa vitendo vya wanachama wake kunyanyaswa mara kwa mara na wanaodaiwa na chama hicho kuwa ni Polisi wa Serikali ya Mapinduzi ya Zanzibar. pindi wawapo kwenye mabaraza yao tangu kumalizika kwa uchaguzi wa marudio machi mwaka huu.                                                                                                                                                                                         “Tumelalamika sana lakini Mkuu wa Jeshi la Polisi ameshindwa kuchukua hatua, wanachama wetu wanaendelea kupigwa ambapo ni kinyume cha  misingi ya Haki za Binadamu na Utawala Bora”amesema Bimani.
Hata hivyo, Bimani amesema kuwa vitendo vya watu kupigwa bila hatia vina madhara makubwa na vinaweza kuzorotesha amani na umoja wa kitaifa kwa wananchi wake.na kuwataka viongozi waliopewa dhamana kuchukua hatua za kisheria dhidi ya askali wanaofanya vitendo hivyo.
