Jeshi la Polisi Mkoa wa Iringa linamsaka Rashid Nyomolelo akituhumiwa kuiba silaha aina ya ‘Pistol Rami’ na risasi 10, ambayo mali ya Joseph Lukonde (44), iliyosalimishwa April 4, 2023 mjini humo.
Kamanda wa Polisi Mkoa wa Iringa, Kamishna Msaidizi wa Polisi, Allan Bukumbi ameyasema kupitia taarifa yake aliyoitoa kwa vyombo vya habari na kusema silaha hiyo ilisalimishwa eneo lililo karibu na nyumba ya Mwenyekiti wa Mtaa wa Mwangata A mjini Iringa.
Katika tukio lingine, Kamanda Bukumbi amesema Polisi inamshikilia Amani Kasisi (47), mkazi wa Nzihi Wilayani Iringa akituhumiwa kumlawiti na kumsababishia maumivu makali sehemu za haja kubwa mtoto wake mwenye mwaka mmoja na miezi kumi.
Aidha, Jeshi hilo pia limesema litaanza kuyachunguza mashirika yasio ya kiserikali yanayofanya kazi zake mkoani Iringa ambayo yametuhumiwa kujihusisha na matukio ya ushoga kupitia ripoti ya uchunguzi uliofanywa na Dkt. Harrison Mwakyembe.
