Kikosi cha KMC FC leo Jumatatu (Julai 25) kimeingia kambini kwa ajili ya maandalizi ya kuelekea msimu mpya wa 2022/2023 utakaoanza rasmi Agost 17 mwaka huu, kwa mujibu wa ratiba ya Bodi ya ligi Kuu Tanzania TPLB.
Wachezaji waliowasili kambini hadi sasa ni maingizo mapya waliosajiliwa msimu huu, nawaleambao walikuwa kwenye mipango ya kocha Mkuu Thierry Hitimana mara baada ya kumalizika kwa msimu wa 2021/2022.
KMC kwa sasa itaweka kambi yake hapa Jijini Dar es Salaam kujiandaa na msimu mpya huku ikiendelea kujifua zaidi kutokana na programu ambazo kocha mkuu Hitimana ameandaa kwa ajili ya kuwajenga wachezaji kabla ya kuanza kwa msimu mpya Agost 17.
Katika kipindi hiki cha maandalizi ya msimu Mpya (Pre- seanson ) kwa mujibu wa program ya kocha Hitimana kutakuwa na mechi nyingi za kirafiki, mazozi ya uwanjani kwa awamu mbili ambazo ni uwanjani pamoja na Gym.
Timu hiyo ya Manispaa ya Kinondoni hadi sasa imeachana na wachezaji 10 ambao ni Hassan Kesssy, Hassan Kabunda, Ally Ramadhani Oviedo, Sudi Dondola, Denis Richard, Jeani Mugiraneza,Hassan Kapalata, Nickson Kibabage, Martin Kigi pamoja na Abasi Kapombe.
KMC FC ilifikia uamuzi wa kuachana na wachezaji hao ambapo baadhi walikuwa wamemaliza mikataba yao huku wengine uongozi ukiwapa nafasi ya kutafuta changamoto nyingine na kwamba tayari imeshakamilisha usajili wa wachezaji wengine ambao wataanza kutambulishwa muda wowote kuanzia sasa.
Imetolewa leo Julai 25
Na Christina Mwagala
Afisa habari na Mawasiliano wa KMC FC
