Tanzania kushirikiana na WHO kanuni za Afya Kimataifa

Tanzania imeendelea kushirikiana na Shirika la Afya Duniani na wadau mbalimbali katika kuhakikisha inatekeleza kanuni za Afya za kimatiafa, Ufuatiliaji na Udhibiti wa Magonjwa ya Mlipuko  na utekelezaji wa mkakati wa Afya Moja.

Hayo yamebainishwa na Mkurugenzi wa Idara ya Menejimenti ya Maafa Ofisi ya Waziri Mkuu, Meja Jenerali Charles Mbuge  wakati wa Ufunguzi wa Kikao Kazi cha kuongeza Uelewa juu ya kanuni za Afya za Kimataifa, Afya Moja na Muongozo wa ufuatiliaji na Udhibiti wa Magonjwa ya Mlipuko (IDSR) kilichofanyika Aprili 3, 2023 jijini Dodoma.

• Serikali yafufua ujenzi Stendi mpya ya Mabasi Kyakailabwa

  Mkurugenzi wa Idara ya Menejimenti ya Maafa Ofisi ya Waziri Mkuu, Meja Jenerali Charles Mbuge

• Kifo mikononi mwa Polisi: IGP apeleka timu Chato

Amesema, “magonjwa tunayokabiliana nayo hayana mipaka na hivyo inatupasa kila mmoja katika nafasi yake kuchukua tahadhari kwa kuhakikisha usalama kwa watu wetu na kufanyia kazi taarifa zozote zikiwemo za tetesi (rumours) tunazozipokea kupita vyanzo mbalimbali vya habari hata kama magonjwa/matukio haya yapo nchi jirani.”

Aidha, Meja Jenerali huyo amesema mada zitakazo zungumziwa katika kikao  ni pamoja na mfumo wa ufuatiliaji na udhibiti wa magonjwa ya milipuko ambapo Mfumo huo unatumika kukukusanya taarifa ambazo zinazalishwa na vituo  vya kutolea huduma za afya ambavyo mpaka sasa vinafikia 7789 vikiwa na watoa taarifa waliosajiliwa zaidi ya 12,000.

“Mfumo huu unapokea taarifa za matukio yenye athari kiafya kutoka katika vyanzo visivyo rasmi ikijumuisha kutoka kwenye jamii, vyombo vya habari na vyanzo vingine vya habari nia ikiwa kupata taarifa mapema kabla ya kuleta madhara makubwa kwa jamii  pia utawapa uelewa wa kushirikiana kudhibiti magonjwa ya milipuko kwa kutoa taarifa mapema na kuchukua hatua stahiki,” Mbuge

• Changamoto za maisha: Jamii yahimizwa uwajibikaji

Mkurugenzi Msaidizi kitengo cha Afya Moja Idara ya Menejimenti ya Maafa Ofisi ya Waziri Mkuu Dkt. Salum Manyatta akizungumza wakati wa kikao hicho.

• Majaliwa awapa neno Wakuu wa mikoa, ataka utekelezaji

Kwa upande wake Mkurugenzi Msaidizi kitengo cha Afya Moja Idara ya Menejimenti ya Maafa Ofisi ya Waziri Mkuu, Dkt. Salum Manyatta amesema mafunzo haya hasa kwa wajumbe kutoka vyombo vya Ulinzi na Usalama yatarahisisha kusaidia utoaji na upatikanaji wa taarifa pindi Magonjwa ya Mlipuko yanapotokea.

Amesema, “kikao hiki pia kimehusisha vyombo vya ulinzi na usalama huwa tunatoa mafunzo kwa kada na watumishi mbalimbali maana tunavituo vingi vinavyo toa taarifa hivyo mafunzo haya yatasaidia kuhakikisha tunadhibiti magonjwa lakini pia utoaji taarifa wenye mpangilio.”

• Teuzi: Mabadiliko vituo vya kazi Mabalozi, Polepole atua Cuba