Mkurugenzi Mtendaji kutoka Tanzania Widows Association, (TAWIA), Rose Sarwatt amesema kuwa wajane wengi wanakimbilia Dar es salaam kwaajili ya kuanza upya maisha mara baada ya kutaifishwa mali na ndugu wa marehemu.                                                                                                                                           Aidha ameongeza kuwa mila potofu zilizoko katika jamiii za watanzania zimekuwa kichocheo kikubwa cha wajane hao kupoteza mali zao walizoachiwa, kwani ndugu wa marehemu hutaifisha kila kitu bila kujali kama kuna watoto ambao wanastahili kumiliki urithi huo.                                                                                                                Ameyasema hayo alipokuwa akizungumza na waandishi wa habari jijini Dar es salaam mapema hii leo. aidha, Sarwatt  ameiomba serikali kuwasaidia wajane kusimamia kesi za mirathi pindi yanapotokea matatizo katika familia zao.
