Rais wa Zambia ampongeza Ruto kwa ushindi

Rais wa Zambia, Hakainde Hichilema amempongeza Rais Mteule wa Kenya William Ruto kwa ushindi wake katika Uchaguzi Mkuu wa Agosti 9, ambao umeidhinishwa na Mahakama ya Juu.

Dakika chache baada ya Mahakama ya Juu kutoa uamuzi wake, Rais Hichilema aliingia kwenye mitandao ya kijamii kumpongeza kwa ushindi huo na kumhakikishia Ruto kuwa uhusiano wa nchi hizo mbili utaimarishwa.

• Mahakama ya Juu yakubali kwa kauli moja ushindi wa Ruto

• LIVE: Mahakama ya Juu Kenya inaamua ni Odinga ama Ruto

“Hongera Dkt. William Samoei Ruto, kwa kutangazwa kuwa Rais wa 5 wa Jamhuri ya Kenya,” ameandika Rais Hichilema.  

Amesema, “Tunatarajia kufanya kazi na Mheshimiwa William Ruto, ili kuimarisha na kuimarisha uhusiano mzuri wa kihistoria kati ya Zamibia na Kenya, kulingana na vipaumbele vyetu vya pamoja kwa watu wetu wawili.”

• Kenya: ‘Mbivu na mbichi’ ni leo hukumu ya kupinga matokeo