Makonda: Jitokezeni kwa wingi kwenye maadhimisho ya miaka 55 ya uhuru

Mkuu wa Mkoa wa Dar es Salaam Paul Makonda, amewataka watanzania kujitokeza kwa wingi siku ya maadhimisho ya miaka 55 ya uhuru yatakayofanyika Desemba 9,2016 katika Viwanja vya Uhuru Jijini Dar es Salaam.

Ameyasema hayo alipokuwa akizungumza na waandishi wa habari ofisini kwake mapema hii leo,ambapo amesema kuwa kusherekea miaka 55 ya uhuru ni ishara kubwa ya kuunga Mkono viongozi waliotangulia na waliopo kwa kuilinda na kuitunza amani ya nchi.

Aidha, Makonda amesema kuwa hii ni mara ya kwanza kufanyika kwa maadhimisho hayo tangu Serikali ya awamu ya tano iingie madarakani na kauli mbiu ya maadhimisho hayo itakuwa “Tuunge mkono Jitihada za Kupinga Rushwa na Kuimarisha Uchumi”                                                                                                                                                                                                                                                                                                                                                                                        Hata hivyo Makonda amewataka wananchi kujitokeza kwa wingi na kuunga mkono kauli mbiu hiyo ya kupambana na vitendo vya ufisadi ili taifa lisonge mbele na kufikia Tanzania ya viwanda ambayo italeta maendeleo.

Mgeni wa rasmi kwenye Maadhimisho hayo anataraji kuwa Rais wa Jamhuri ya Muungano wa Tanzania John Pombe Magufuli, ambaye atashuhudia shughuli mbalimbali katika viwanja hivyo na kulihutubia Taifa.