Mradi wa umeme Rusumo kukamilika Novemba

Siku ya sita ya Ziara ya Waziri wa Nishati January Makamba kwenye Mikoa 14 na Wilaya 38 imemfikisha kwenye mpaka wa Tanzania na Rwanda unapojengwa mradi mkubwa wa uzalishaji Umeme wa Maji wa Rusumo (Rusumo hydropower Project).

Mara baada ya kukagua mradi huo, Waziri Makamba amepata nafasi ya kuongea na Wanahabari kuhusu hali ya mradi huo ulipofikia ambapo amesema “Kasi ya Ujenzi inaendelea vizuri na uko kwenye asilimia 95, za kukamilika kwa mradi huo.”

• Kenya, Somalia zarejesha uhusiano baada ya mvutano

• Usimamizi sera kusaidia uzalishaji mbegu bora

Amesema Kampuni hiyo itauza umeme wake kwa mashirika ya Umeme ya nchi tatu ambazo ni Rwanda, Burundi na Tanzania mradi ambao umefadhiliwa na Benki ya maendeleo ya Afrika (ADB), na wafadhili wengine wa Maendeleo.

Hata hivyo Waziri Makamba ameongeza kuwa, “Tunautegemea mradi huu kuongeza uhakika wa umeme kwenye ukanda huu wa Ziwa Victoria, maana jawabu la matatizo ya umeme kanda ya Ziwa ni mradi huu.”

• Uviko-19 yavuruga utoaji chanjo kwa Watoto

• Serikali kuhakiki maeneo ya shule na kuyapa hatimiliki

Mradi wa Rusumo Hydropower unatarajiwa kukamilika Novemba 2022  ukihusisha nchi 3 ambazo ni Tanzania, Rwanda na Burundi.

• Milioni 662 kukamilisha kituo cha afya Mtoa